“Olsi i Qamiles”, vrasësi me pagesë që lëvizte lirshëm nëpër Tiranë

Ai ishte një vrasës me pagesë që qarkullonte lirshëm nëpër rrugët e Tiranës, por tashmë do të dalë para drejtësisë.
Olsi Albert Karagjozi, 36 vjeç, lindur e banues në Laprakë, i njohur edhe me nofkën “Olsi i Qamiles”, do të dalë së shpejti para gjykatës për krimet e kryera prej tij në harkun kohor të viteve 2010 deri në fund të 2012-s.
Shtetasi në fjalë ka kryer 5 atentate por pa shkaktuar viktima dhe kryesisht ndaj biznesmenëve.

Sipas të dhënave nga hetimi, mësohet se 36-vjeçari u ndalua në Durrës teksa i fshihej drejtësisë dhe më pas u përcoll në Tiranë për kryerjen e veprimeve hetimore. Teksa ishte duke iu fshehur policisë, Olsi Albert Karagjozi dyshohet se lëvizte me një makinë “Tuareg” me targa maqedonase. Sulmet me armë dyshohet se janë paguar nga kundërshtarët e të dëmtuarve, ndërsa janë vënë në zbatim nga i akuzuari për pesë tentative./alb-observer.com/