Mark Frroku: Makina u mbajt me dhunë, u instaluan pajisje përgjuese

TIRANË- Mark Frroku, vëllai i të ndaluarit si i akuzuari kryesor për vrasjen e ish komisar Dritan Lamajt ka akuzuar policinë për veprim të paligjshëm me bllokimin e makinës së tij dhe për instalimin e pajisjeve përgjuese në të.
Në një deklaratë për mediat, Frroku shoqëruar nga avokati i tij mbrojtës ka deklaruar se asgjë lidhur me pretendimin e dhënë nga policia për probleme me dokumentacionin e automjetit janë sajesa dhe të pavërteta.
“Provoj se makina me të cilën udhëtonte dhe posedonte Mark Frrokut është me dokumentacionin e rregullt dhe kemi kontratë që provohet blerja e automjetit, nuk qëndron asnjë nga akuzat e ngritura nga organet hetimore, që thonë se makina s’ka dokumentacion të rregullt, dokumentacioni është i rregullt dhe s’ka asnjë problem”- ka thënë avokati.
/panorama