Shpërthen makina, vdesin 3 persona nga flakët

nga **♛Melody♛** Mon Jul 01, 2013 3:51 am

GJIROKASTËR- Një ngjarje tragjike u shënua në orët e pasdites edhe në Gjirokastër, ku kanë ndërruar jetë 3 persona, që dyshohet se kanë lidhje gjaku me njëri-tjetrin.
Ngjarja e rëndë është shënuar në aksin Gjirokastër-Tepelenë, ku një makinë tip “Fiat Punto” pas përplasjes me bordurën e rrugës, ka marrë zjarr me 3 personat që ndodheshin në automjet. Sipas informacioneve të para, në makinë ndodheshin 3 persona, të cilat vinin nga Greqia. Aksidenti ka ndodhur në kilometrin e pestë, në afërsi të fshatit Mashkullorë.
Policia ka nisur hetimet në lidhje me rrethanat e shpërthimit dhe identifikimin e viktimave. Në vendngjarje ka mbërritur edhe një zjarrfikëse për të shuar flakët e zjarrit.
/Shekulli Online/Përgatiti: E.Sh/