Emigranti shqiptar rrëfen tmerrin: “Ja si u mbajtëm peng dhe u dhunuam nga pronari grek”

Njëri prej katër emigrantët shqiptarë, të cilët u mbajtën peng prej më shumë se 24 orësh në Anja të Kretës nga pronari i tyre grek kanë treguar dhunën dhe peripecitë që hoqën.
“Disa ditë më parë u nisa në Greqi te të afërmit e mi. Doja të punoja, pasi familja kishte nevojë. Të afërmit jetojnë në katin e parë, ndërsa një kat më lart jeton një familje greke. Tre ditë më parë, banesa në katin e dytë ishte grabitur. Ne nuk ishim në dijeni dhe u shtrimë si çdo natë për të fjetur. Por erdhi policia dhe na mori. Na pyetën nëse dinim gjë për autorët dhe, pasi morën të gjitha të dhënat dhe shenjat e gishtave, na liruan”, tregon Klodiani.
Më pas ai rrëfen se pasi dolën nga policia dy makina u ndaluan tek këmba dhe dukle u shtirur si policë i cuan në mal.

Kur na çuan në mal, na lidhën të dyve këmbë e duar. Na vunë një litar në fyt dhe na shtrëngonin. Filluan të na keqtrajtonin, qëllonin me çfarë të kishin në dorë, me litar, leva, dru, ç’tu kapte dora. Tregoni kush e plaçkiti shtëpinë, na thoshin. Por nuk kishim dijeni. E panë që nuk doli gjë dhe thanë nëse doni të shpëtoni gjallë, duam 25 mijë euro. Në një moment ruajtëm rastësinë dhe kur nuk e kishin mendjen, u larguam nga dritarja. Ikëm nga fshati dhe jemi fshehur në një vend tjetër. Jemi shumë të tmerruar, pasi kemi shpëtuar për një fije nga vdekja”, tregon ai./alb-observer.com/