Arjan Konomi: Ti Duhet Të Ishe Shpikur Në Laborator! Joana: Unë E Di Kush Je Ti!

Mbrëmja e Big Brother Albania ka qenë surprizuese. Rrëfimi i bërë nga Joana përballë analistit Arjan Konomi është shoqëruar me debate të shumta e të zjarrta.
Ishte Konomi ai që dha mendimet e tij duke deklaruar se Joana duhet ta shikonte tek vetja arsyen se përse ka shkaktuar kaq antipati nga të gjithë njerëzit.

Por Joana është përgjigjur se nuk mendon aspak se ka qenë antipatike dhe se ka bërë ndonjë veprim të gabuar në shtëpi. Konomi e kritikoi edhe për faktin se qante për ish të dashurin duke u puthur me Anaidin por Joana reagoi ashpër duke i thënë se “nuk të jap ty dhe askujt llogari se çfarë bëj unë me jetën time personale”. Më pas Konomi i thotë se “ti ke qenë një fat për produksionin që të ka patur në spektakël. Nëse ti nuk do të ishe kështu do duhej një laborator për të të shpikur”. Joana i përgjigjet rrufeshëm duke thënë “unë e di kush je ti. Kemi biseduar bashkë për jetën tënde dhe të kam menduar më të emancipuar”.