Eldora: Kam Një Të Dashur Jashtë Big Brother, Ai S’e Di Për Sëmundjen

Anaidi është duke biseduar me Riken në dhomën e ndenjes, duke i treguar për shoqërinë e tij dhe vendet e ndryshme ku kanë shkuar për pushime.



Ndërsa më vonë, Rikja e pyet Eldorën se nëse do të kishte një lidhje të gjatë prej disa vjetësh, a do të kishte krijuar aq besim sa për ta lejuar të futej në Big Brother. Eldora mendon se do të mund ta lejonte pasi aq vjet bëjnë që të krijosh besim tek personi që ke në krah. Të njëjtën pyetje ia bën edhe Eldora Rikes, nëse ajo vetë do ta aprovonte futjen e të dashurit të saj në Big Brother. Rikja thotë me bindje se do ta lejonte.

Nga ana tjetër ndodhet Elona dhe Shpendi, të cilët janë duke qeshur e duke bërë shaka së bashku. Elona ka në plan t’i bëjë një lojë Viganit e për këtë i kërkon Shpendit që të mos i tregojë. Shpendi e siguron se nuk do t’i tregojë asgjë dhe se mund ta bëjë lojën e qetë.



Më vonë Anaidi e Iliri, të cilët ndodhen të shtrirë në divanin në dhomën e ndenjes, fillojnë të këndojnë këngë Labërie, duke krijuar atmosferë të këndshme në shtëpinë e Big Brother.

Të gjithë banorët grumbullohen në dhomën e ndenjes ndërsa fillojnë të bisedojnë për këngën “Big Brother 6”, të cilën e kanë krijuar të gjithë së bashku. Ata mundohen të mësojnë tekstin përmendësh, ndërkohë që fillojnë të merren edhe me krijimin e muzikës së saj. Ndërsa Vigani i bie kitarës, banorët krijojnë atmosferë festive në shtëpi duke kënduar dhe kërcyer me nëjri-tjetrin.

Ndërsa Rikja dhe Eldora ndodhen afër njëra-tjetrës në kolltuk e bisedojnë së bashku. Eldora tregon për një lidhje që ka krijuar me dikë katër muaj para se të hynte në Big Brother. Ajo tregon se atë lidhje e shikon me të ardhme, por nuk hë për hë nuk mund të thotë asgjë, pasi gjithçka mbetet të sqarohet kur të dalë nga shtëpia e Big Brother.

Ajo tregon se mes tyre ishte diçka serioze, por shton se ai nuk ishte në dijeni të sëmundjes së saj. Ajo mendon që Shpendit të mos i tregojë për këtë gjë. Rikja e këshillon që ajo të preokupohet për këtë lidhje sapo të dalë. Në dhomën e gjumit janë fikur dritat dhe disa prej banorëve shkojnë aty e bëhen gati për të fjetur. Ndërsa Anaidi e Iliri thurin plan për t’i bërë një lojë Viganit. Iliri futet poshtë krevatit të Viganit dhe presin momentin kur të hyjë Vigani që të sajojnë një situatë sikur është duke rënë tërmet.

Ndërsa në dhomën e ndenjes Vigani është duke i mësuar kitarën Elonës, duke ndenjur për minuta të tëra të dy bashkë.