Babai i Sonila Tafës: “Do ta gjej vetë Artur Kuliçin, vrasësin e bijës sime”

Ndërsa bërë të 40-at e vdekjes së vajzës së tij, babai i balerinës së vrarë në muajin prill të këtij viti në kryeqytet nga një plumb, që në të vërtetë nuk ishte nisur për atë, është shprehur i zhgënjyer me policinë që nuk kanë arritur ta kapin autorin. Tashmë për Rizanë, duket se çdo gjë është bërë e pakuptimtë dhe tani e tutje do të merret vetë me hetimet e ngjarjes.
“I premtova Sonilës se do të prisja deri sa të bëheshin 40 ditë nga vrasja e saj për të parë se çfarë do të bënte shteti për të gjetur autorin. Tani meqë sot (dje) u bënë 40 ditë nga vdekja e vajzës sime, nuk më mbetet gjë tjetër vetëm që të nis vetë lëvizjet për të gjetur se ku fshihet ai që më vrau vajzën”, rrëfen në një intervistë mediatike 57-vjeçari

Natën kur u vra balerina, ndodhi një sherr mes dy grupesh të rinjsh në lokalin ku ajo gjendej me shoqërinë e saj. Truprojat e lokalit kanë larguar dy prej të rinjve dhe kaq ka mjaftuar që autori i dyshuar i ngjarjes, Artur Kuliçi, të largohej nga vendi i ngjarjes dhe të rikthehej me një makinë pa targa dhe të qëllonte me armë në drejtim të hyrjes së lokalit, ku ka qenë duke dalë me shoqërinë e saj 25-vjeçarja Sonila Tafa. Ajo mori një plumb vdekjeprurës dhe ndërroi jetë rrugës për në spital./alb-observer.com/