Mbërrijnë në Tiranë 14 muxhahedinët e pare, priten edhe rreth 200 të tjerë

Kanë mbërritur në Tiranë mbrëmë në darkë 14 muxhahedinët e parë iranianë nga 210 që në total ka pranuar të strehojë qeveria shqiptare. Edhe pse nuk është bërë publike nga qeveria shqiptare, ky lajm është konfirmuar nga i dërguari i OKB-së Martin Kobler. 210 muxhahedinët i përkasin grupit (Mojahedin-e-Khalq) MEK dhe ndodhen në Kampin e “Liria” në Irak.

Ishte 16 Marsi i këtij viti kur kryeministri Berisha në takim me Zëvendës Ndihmës Sekretaren në Departamentin e Shtetit të Shteteve të Bashkuara të Amerikës në Zyrën e Çështjeve të Lindjes së Afërt, znj. Barbara Leaf së bashku me Përfaqësuesin e Posaçëm të Sekretarit të Përgjithshëm të Organizatës së Kombeve të Bashkuara për Irakun, Ambasadorin Martin Kobler, u tregua i gatshëm që të ofrojë strehim për ta./alb-observer.com/