Nard Ndoka fut në sherr Berishën me Jozefina Topallin, përplasje edhe për emrat e tjerë

Ndërsa mbrëmjen e djeshme ishin duke u diskutuar emrat për kandidatë për deputetë në qarkun e Shkodrës, kryetari i PD, Sali Berisha, është përplasur me nënkryetaren Jozefina Topalli në lidhje me listën e propozuar. Berisha ka arritur të imponojë emrat e tij në listë, duke shmangur propozimet e Jozefina Topallit.
Fillimisht ishte Topalli që lexoi listën e Shkodrës, duke nisur me emrin e saj dhe duke vazhduar me Arenca Trashanin të dytën dhe më pas me Astrit Bushatin. Berisha ka ndërhyrë duke thënë se ka emra të tjera që duhen diskutuar dhe ka futur në listë Helidon Bushati dhe pas tij Voltana Ademi, Nard Ndokën, Gjovalin Bzhetën, Ndue Palucën dhe Bardh Spahinë..
Kryetarja e Kuvendit ka lënë për disa minuta mbledhjen e kryesisë e nevozuar kryesisht me emrin e Nard Ndokës i cili është aleat i PD-së, megjithatë më vonë duket se i është bindur kryetarit./alb-observer.com/