Arvizu, fans i Aurela Gaçes... i klabeve dhe kërcimit

Një klub në Tiranë, ku performojnë Vëllezërit Korçarë dhe Aurela Gaçe, është vizituar nga një mysafir i veçantë. Ambasadori i Shteteve të Bashkuara në Shqipëri, Alexander Arvizu, ka zgjedhur këtë ambient për të kaluar disa orë argëtuese nën shoqërimin e muzikës së bukur shqiptare.E emocionuar nga kjo befasi, këngëtarja ka shkruar në Facebook një status, ku tregon ndjesitë dhe atë çfarë ka mësuar në gjithë këto vite karrierë.

“Ambasadori amerikan, z. Alexander Arvizu, na vizitoi të premten në ‘Crazy Calvin’. Ishte eveniment, sepse nuk di që të ketë shkuar diku të argëtohet. Dhe ajo që të bënte shumë përshtypje, ishte se një herë u ul së bashku me gjithë stafin e tij në zonën VIP, por pas pak çastesh shoh që u transferuan të gjithë në tavolinën e parë ngjitur me skenën. Dhe kërcente dhe shijonte muzikën tonë të bukur shqiptare”,- ka shkruar Aurela.

/Shekulli Online/Përgatiti: E.Sh/