Libi, të paktën 15 të vdekur nga një atentat në Bengazi

BENGAZI- Të paktën 15 persona kanë humbur jetën sot dhe 30 të tjerë janë plagosur nga një atentat me autobombë pranë spitalit al-Jala në Bengazi, në lindje të Libisë, deklaroi zëvendësministri i Brendshëm libian, Abdullah Massoud. "Të paktën 15 persona kanë humbur jetën dhe 30 të tjerë janë plagosur nga shpërthimi i një autobombe pranë spitalit", deklaroi Massoud. "Shpërthimi shkatërroi plotësisht një restorant dhe ka dëmtuar rëndë ndërtesat aty pranë", theksoi ai. Pak më parë burime zyrtare vendase njoftuan se një autobombë kishte shpërthyer pranë spitalit al-Jala duke shkaktuar disa të vdekur dhe të plagosur. (d.b/BalkanWeb)