Vajza shqiptare që do të mbajë flamurin grek

nga **♛Melody♛** Mon Oct 28, 2013 3:07 am

Siç është publikuar nga "candia.gr", një shkollë në Hersonisos, Kretë, ishte kauza e një debate të gjerë në vend.
Prindërit dhe studentët reaguan kur shkolla vendosi që një studente shqiptare të ishte lidere në paradën e shkollës më 28 tetor. Studentja shqiptare është më e mira në shkollë.
Vendimi zemëroi disa nga shokët e klasës së vajzës dhe prindërit e tyre. Ata besojnë se është e papranueshme për një nxënëse shqiptare që të mbajë flamurin grek. Situata duket se është qetësuar pas ndërhyrjes së autoriteteve.
Lazaros Markou, presidenti i ELME (sindikata e mësuesve) në Heraklion, foli për radion “Alpha News 106.2” rreth incidentit.
“Kjo nxënëse e shkëlqyer, mund të jetë me origjinë shqiptare, por ajo ka shtetësi greke. Ka pasur reagime, por si mësuesit, ashtu edhe drejtuesi i shkollës, janë përpjekur që të bindin ata që nuk janë dakord se, këto ide raciste nuk janë të përshtatshme për ambientin shkollor.” /greekreporter/