A Ka Miqësi Pas Ndarjes?

Vazhdimi i miqësisë pas ndarjes është një vendim i komplikuar, i cili duhet marrë nga të dyja palët.

Ky është një vendim mjaft i komplikuar, për shkak së kërkon pajtueshmëri ndërmjet të dyja palëve. Në njërën anë jeta mund të jetë e përsosur edhe pas ndarjes, në anën tjetër ish-i dashuri juaj mund të bëjë më shumë dëme sesa dobi.

Në shumicën e rasteve përgjigja është pozitive, d.m.th. mund të ketë miqësi edhe pas mbarimit të lidhjes mes jush. Pas të gjithave është diçka shumë e lehtë dhe ju të dy e njihni dhe e kuptoni njëri-tjetrin shumë mirë, prandaj nuk mund të ketë probleme. Por, në të njëjtën kohë ju do të kujtoni lidhjen që keni pasur më herët dhe kjo mund të mos ju bëjë mirë.

Të dy mund ta njihni njëri-tjetrin shumë, por ai lloj raporti mes jush nuk do të kthehet më kurrë. Është një ndërtim i ri i një lidhjeje miqësore nga fillimi.

Duhet të mendoni disa gjëra para se të kaloni në një marrëdhënie të tillë. Nëse keni pasur një lidhje ku të dy jeni ndier sikur miq, kjo do të jetë më e lehtë. Madje mund ta konsideroni njëri-tjetrin edhe si familjar. Kjo ndodh edhe nëse ju jeni ndarë me dëshirën e të dyve. D.m.th. ju të dy ndiheshit sikur kjo lidhje që keni pasur më herët nuk ju ka bërë të lumtur aq sa duhet asnjërin nga ju. Ndarjet e tilla me pajtimin e të dyja palëve janë ato që më së lehti kthehen në miqësi./riniaforum