Elhaida Dani: Si më eliminuan nga "Ethet e së Premtes mbrëma"...

nga **♛Melody♛** Thu Oct 17, 2013 7:36 pm

E kush do ta kishte menduar se këngëtarja që ka ngritur peshë publiku shqiptar e italian me performancat e saj, dikur këndonte vetëm brenda mureve të shtëpisë, pasi turpërohej.

Burimi:

BalkanWeb

Elhaida Dani: Si më eliminuan nga "Ethet e së Premtes mbrëma"... 399e1813-8064-4aea-8c36-c65c73691356---0-

Ne një interviste te gjate për një media, gazetari e pyet Elhaidan lidhur me fillimet e saj ne muzike, dhe prezantimin e pare te saj ne skene.
E mbaj mend shumë mirë, përgjigjet Elhaida. Ka qenë në edicionin e fundit tek "Ethet e së Premtes", kur unë vendosa papritur të merrja pjesë. Isha 15 vjeçe, dridhesha nga emocionet dhe akoma nuk e kisha vendosur se çfarë kënge do të këndoja. Faza e parë shkoi mirë, po ashtu edhe e dyta… Në fazën e fundit seleksionuese për këngëtaret që do të hynin në netët 'live' u skualifikova. Ishte hera e parë që konkurroja për këngën dhe të them të drejtën u demoralizova pak. U thosha prindërve të mi duke qarë: "Unë nuk këndoj më". Kaluan disa muaj dhe filluan audicionet e "Star Akademi 4". Këtë herë ishte babai, ai që më mbushi mendjen të merrja pjesë në këtë 'talent show', dhe shkoi aq mirë sa u shpalla fituesja (qesh).