Demi Moore frekuenton babanë e ish-të dashurit të saj

nga **♛Melody♛** Fri Sep 13, 2013 11:00 pm

Demi Moore po koleksionon një kurikulum sentimental të denjë për telenovelën “Beautiful”. Pasi ka frekuentuar 30-vjeçarin Harry Morton, diva e kinemasë i ka thënë lamtumirë toy-boy të saj, por ka mbetur brenda familjes dhe i ka kthyer sytë nga i ati, Peter. “Demi e Peter takohen edhe tre herë në javë. Thotë se fal tij, mund ti të ‘harrojë’ pasionin për djemtë e rinj”, i ka thënë një burim revistës angleze “Grazia”.
“Ai është 66 vjeç dhe Demi nuk e mendonte se mund të ishte tipi i tij, por i pëlqen vërtetë. Është pak e çuditshme por kohët e fundit edhe Harry duket i lumtur për ta,- ka vijuar burimi,- Të bijat janë të kënaqura se Demi po frekuenton një burrë më të vjetër se ato. Ato e kanë takuar Peter gjatë një feste në shtëpinë e tij në Beverly Hills dhe mendojnë se është shumë tërheqës”.
12 shtator 2013 (gazeta-Shqip.com)