Babai i Adele: Dua të takoj nipin tim përpara se të vdes

nga **♛Melody♛** Tue Sep 10, 2013 6:40 am

Marrëdhënia e tyre e trazuar, e ka pikënisjen e saj dy vite më parë. Fituesja e një numri të madh çmimesh, këngëtarja Adele, që nga viti 2011 ka shkëputur çdo kontakt me babain e saj, Mark Evans. Marrëdhënia e tyre nuk ka qenë e njëjtë me ate të çdo babai dhe vajze normale.Në vitin 1991 Mark braktisi nënën e Adele, Penny, kur këngëtarja ishte vetëm 3 vjeç. Mësohet se babai i saj ishte një person i alkolizuar, i cili prishte qetësinë jo vetëm të nënës së saj, por edhe të vajzës së vogël. Braktisja e tij ishte një ndër goditjet më të mëdha psikologjike që Penny mori në atë periudhë. Ai përpiqej ta vizitonte vajzën sa herë të mundej, por pjesën më të madhe të takimeve e zhvillonte gjatë periudhës së pushimeve të Krishtlindjeve. Pasi Adele u rrit, ai u përpoq të rindërtonte një marrëdhënie të fortë me të, por nuk arriti ta realizonte deri në atë masë që ai që ai dëshironte.Dëshira e madhe e këngëtares për të mos përzier jetën personale me atë profesionale, ka qenë një ndër deklaratat më të përsëritura nga ana e saj, dhe pikërisht ky fakt ishte ai i cili shkatërroi marrëdhënien babë e bijë. Pasi në vitin 2011Mark ju bë një ftesë për të dhënë një intervistë dhe sigurisht që ai pranoi. Midis shumë pyetjesh për të, disa nga përgjigjet të cilat kishin qenë për një kohë të gjatë pjesë e kureshtjes së audiences, kishte të bënte lidhur me të shkuarën e këngëtares, marrëdhëniet e saj me familjarët, si dhe fëmijëria e saj.Pa u menduar gjatë, 51-vjeçari nisi të shpjegonte gjithçka me detaje duke shkaktuar dhe mospëlqimin e Adele. Tashmë që kanë kaluar disa muaj pas diagnostikimit të tij me kancer, ai ka bërë publike një deklaratë në të cilën kërkonte sërish që e bija ta pranonte si babain e saj si dhe shprehu dëshirën për të takuar nipin e tij 10 muajsh, Angelo, pasi siç Mark druhet, mbase nuk do të ketë mundësinë kurrë të përqafojë Angelon, sepse sëmundja e tij sa vjen dhe avancon.