Vendet Më Të Mira Për Të Tejkaluar Ndarjet

nga **♛Melody♛** Thu Aug 08, 2013 3:22 am

Të jesh zemërthyer në një vend të huaj nuk është gjë e keqe aq sa mund ta imagjinoni.
Të paktën një gjë e keni të sigurt, nuk do të zbrazni vuajtjen tuaj para familjarëve tuaj.

Destinacionet e hartuara nga CNN, do tu mundësojnë të mos dëgjoni apo thoni fjalët e vrazhda që do u kujtojnë dhimbjen.

1. Muzeu i lidhjeve të përfunduara, Zagreb, Kroaci

Është e rëndësishme të kuptoni se ju nuk jeni i vetmi që po kalon një marrëdhënie të vështirë.

Në këtë muze, në kryeqytetin kroat do të mund të shihni koleksione, eksponate dramatike, tregime dashurie dhe objekte të tjera të dorëzuara nga zemërthyerit.

Në donacione ndër të tjerash përfshihet edhe një sëpatë që ishte përdorur për të shkatërruar mobilet në dhomën që kishte me ish të dashurën dhe një fustan nusërie të një vajze që kishte përjetuar një martesë të dështuar.

Aty gjithashtu gjenden koleksione të konsiderueshme të të brendshmeve, pranga dhe një telefon celular me mbishkrimin: “Zgjati 300 ditë. Ai më dhuroi telefonin e tij, kështu që unë nuk kam ku ta thërras më atë”.
2. Dyqani “flini së bashku”, Tokio, Japoni
Nuk ka asgjë që të kujton se sa të vështirë e kishit jetën se të qëndruarit vetëm në një shtrat. Por në Tokio gjithçka është ndryshe.

Në kryeqytetin japonez në disa kafe si Soine-ya, “dyqani, flini së bashku” u mundëson klientëve të flenë përkrahë një vajze për një tarifë.

Dyqani i tillë insiston se Soine-ya, zbaton një rregull të rreptë të sjelljes që e ndalon çdo kërkesë seksuale.

Dyqani i parë i tillë u hapë vetëm disa muaj më parë në Akihabara, ndërsa pastaj u hap edhe një dyqan në Kabukicho.

Çmimi minimal është 32 dollarë amerikan për 20 minuta.

Shërbime ekstra janë përqafimi një minutësh që kushton 12 dollarë amerikan dhe përkëdhelja e flokëve të vajzës për 3 minuta që gjithashtu kushton 12 dollarë.

3. Hoteli i Divorcit, Hagë, Holandë

Haga është vendi më i mirë në botë për të shkurorëzuarit, sipas drejtorit të “Divorce Hotel” Jim Halfens.

“Divorce Hotel” u ofron shërbime të tilla çifteve sa u lejon të zgjidhin një vend për të rregulluar shpejt dokumentet e divorcit të qetë.

“Punojmë vetëm me hotele që plotësojnë kriteret tona: hotele me minimum katër yje. Hotele ku njerëzit ndihen si në shtëpi dhe mundësitë jashtë hotelit janë të rëndësishme gjithashtu”, ka thënë Halfens.

“Carlton Ambassador Hotel” në Hagë, është hoteli i preferuar i cili ofron vend të mrekullueshëm për blerje, plazhe të populluara dhe ushqim të mirë.

“Ata fillojnë së bashku dhe dëshirojnë të përfundojnë së bashku”, thotë Halfens.

4. Secili klub nate në Ibiza, Spanjë

Ju mund ta zëvendësoni vuajtjen e ndarjes me një dhimbje të “tmerrshme koke” në Ibiza, një nga destinacionet me klubet më të mira të natës në botë.

Striptizeret më të famshme në botë, muzika e mirë, skenat e gjata me ndeja të egra do të ju ndihmojnë të tejkaloni netët pa gjumë.

Thjesht kur të jesh në Ibiza është mrekulli të jesh beqar.

07.08.2013
Burimi : Ikub