Meshkujt pëlqejnë Golf-in, femrat Mercedes-in!

nga **♛Melody♛** Sun Aug 04, 2013 6:36 pm

Makinat e tipit Golf janë më të preferuara për qytetarët e tri komunave të Kosovës. Ky është rezultat i një hulumtimi të realizuar në Prishtinë, Kamenicë dhe Gjakovë nga një grup studentësh të Kolegjit “Pjetër Budi”, në kuadër të punës së tyre hulumtuese-shkencore. Këto lloj makinash preferohet nga 37 për qind e të anketuarve, pasuar nga 23 për qind që pëlqejnë veturat Mercedes, 18 për qind BMW dhe 15 për qind Audi. 39 për qind e tyre kanë radhitur si arsye të parë preferencat e tyre për makinat ekonomike, ndërsa 32 për qind kanë menduar për shpejtësinë. Më shumë se gjysma e të anketuarve (58 për qind) preferojnë makinat me naftë, ndërsa 39 për qind me benzene. Theksojmë se ngjyra e zezë është më e pëlqyera nga 42 për qind e masës. Kujdes, ndryshon puna kur bëhet fjalë për preferncat gjinore. Meshkujt më së shumti i pëlqejnë makinat e tipit Golf (39 për qind), pasuar nga ato Mercedes (21 për qind), femrat më shumë janë të apasionuara për makinat e tipit Mercedes (33 për qind), pasuar nga Golf e BMW (nga 22 për qind).