Ja perse u ekzekutua me katër plumba biznesmeni i ndërtimit!

Biznesmeni 43-vjeçar, Hikmet Kotorri, i ekzekutuar mbrëmjen e së dielës në kryeqytet, është vrarë për shkak të konflikteve që lidhen me biznesin e tij në fushën e ndërtimit. Të paktën këto janë dyshimet e para që hedh policia pas hetimeve paraprake. Mësohet se atentati ka lidhje me ngjarjen e një muaji më parë, kur në afërsi të zonës së Liqenit të Thatë, ortakut të tij i hodhën makinën në erë. Dyshohet se atentatorët mund të jetë të njëjtët persona por nuk përjashtohen as problemet personale apo ndonjë konflikt i vjetër që mund të ketë pasur biznesmeni më parë. Policia po heton edhe të gjitha huamarrjet e tij, si dhe konfliktet e pronësisë që mund të ketë pasur.
Kotorri u ekzekutua me katër plumba nga persona të paidentifikuar rreth orës 22:30 pak hapa larg banesës së tij në kryqëzimin e rrugëve “Ali Visha” dhe “Besnik Sykja”./alb-observer.com/