Drama e tre vajzave të rrëmbyera, mbaheshin për 10 vite në një bodrum pranë shtëpisë së tyre

Ato ishin adoleshente kur u rrëmbyen nga 52 vjeçari Ariel Katsro në Shtetet e Bashkuara të Amerikës dhe u gjeten vetem pas 10 viteve. Amanda Berry, 26 vjeç, Gina DeJesus, 23 vjeç, dhe Michelle Knight, 32 vjeç, u gjetën në një shtëpi pak kilometra larg vendit ku ishin zhdukur në Ohajo të Shteteve të Bashkuara. Ato u gjetën rastësisht nga një fqinj i tyre, i cili kishte dëgjuar të bërtiturat dhe ishte futur në shtëpi për ti ndihmuar. Vajzat jetonin të izoluara dhe të lidhura në një birucë të nëndheshme vetëm jo shume larg nga vendi ku ishin parë për herë të fundit .
Fqinji Charles Ramsey, që është vlerësuar si një hero, tha se dëgjoi thirrjet që vinin nga shtëpia. “Për fat e shembëm derën. Ishte e lehtë pasi ishte alumin. Ajo doli jashtë me vajzën,” tregoi Ramsey.
Pasi Amanda doli nga shtëpia, kaloi menjëherë rrugën dhe mori në telefon policinë, duke mbajtur në dorë vajzën. “Më ndihmoni. Jam Amanda Berry. Më kanë rrëmbyer prej dhjetë vitesh dhe jam këtu. Tani jam e lirë,” tha ajo në telefonatën e saj, që është bërë publike nga policia.
Ajo ka identifikuar grabitësin e saj si Ariel Castro i cili jetonte në atë shtëpi që prej vitit 1992 dhe ishte arrestuar për dhunë në familje në vitin 1993. Policia ka gjetur në birucë zinxhirë, me të cilët mbaheshin të lidhura vajzat.
Zhdukja e vajzave pati tërhequr vëmendjen e opinionit publik në mbarë qytetin për një dekadë rresht. Të afërmit e tyre e kanë mbajtur historinë e tyre vazhdimisht të gjallë duke folur me median vendase./alb-observer.com/

Rrëmbimi dhe mbaitja peng për 10 vite me radhë të 3 vajzave në Ohajo vazhdon të jetë një ngjarje që me çdo detaj që nxjerr rrënqeth mbarë opinionin publik amerikan.
Çdo shtatëzani e njërës prej vajzave është ndërprerë pasi rrëmbyesi dhe njëkohësish edhe përdhunuesi e qëllonte atë më grusht në bark.
Në shtëpi ka lindur vetëm një vajzë që është gjashtë vjeçare, vajza e Amanda Berit. Sot policia në Ohajo ngriti akuza kundër Ariel Kastros, njëri nga tre vëllezërit e arrestuar për rrëmbimin dhe mbajtjen shumëvjeçare në robëri të tre vajzave.
52-vjeçari Kastro po përballet me katër akuza, për rrëmbim dhe tre akuza për përdhunim.
Përsa i përket dy vëllezërve të tjerë policia ka bërë me dije se nuk ka një dëshmi kundrejt tyre, në mënyrë që të vërtetoi se ata kanë qenë bashkëpuntorë në krim.
Asnjëra nga vajzat nuk ka dëshuar kundrejt tyre dhe kjo vërteton se 52-vjeçari e ka zhvilluar vetëm të gjithë aktin e tmerrshëm./alb-observer

Prokurorët e shtetit të Ohajos (Ohio) kanë thënë se do të kërkojnë dënimin kapital ndaj personit, i cili akuzohet për rrëmbimin, përdhunimin dhe mbajtjen peng të tri grave për një dekadë.

Ariel Castro, 52 vjeç, doli ditën e djeshme për herë të parë para gjykatës amerikane, ku ndaj tij u lexua aktakuza për rrëmbimin dhe përdhunimin e Amanda Berry-t 27 vjeç, Gina De Jesus 23 vjeç dhe Michelle Knight 32 vjeç.

Berry mundi të arratisej ditën e hënë dhe ishte e para që dha alarmin për rrëmbimin që zgjati plot 10 vjet. Prokurori Tim McGinty tha se është tërësisht e mundur që të kërkojë dënim me vdekje për Castro-n.

/Shekulli Online/Përgatiti: E.D/

Së paku pesë fëmijë kanë lindur në shtëpinë në Cleveland, në Ohio, ku u mbajtën peng për 10 vite me radhë Amanda Barry, Gina DeJesus dhe Michelle Knight, të liruara nga policia vetëm ditën e djeshme.

Fëmijët nuk kanë mbijetuar, por deri më tani nuk dihen shkaqet e vdekjes së tyre. Nga ana e policisë thuhet se njëra nga gratë ka bërë tre aborte për shkak të kequshqimit. Krahas tre grave policia liroi dje edhe vajzën 6 vjeçare të Berry. Sakaq mësohet se rrëmbyesit e tyre tre meshkuj, i rrihnin femrat në momentin kur këto të fundit mbeteshin shtatzënë.

Ditën e djeshme autoritetet arrestuan Ariel Castro 52 vjeç si dhe dy vëllezërit e tij Onil 54 dhe Pedro 50 vjeç. Nga ana e policisë thuhet se zbulimet e deritanishme janë vetëm maja e ajsbergut.<

Ariel, siç rezulton pronari i banesës ku ishin mbajtur të mbyllura tre gratë, ndërsa dy vëllezërit e tjerë jetonin në vend tjetër. Ndërkaq vijojnë kërkimet për një grua të katërt e cila mund të jetë rrëmbyer së bashku me tre gratë e shpëtuara ditën e djeshme. Siç shkruajnë mediat vendase, gruaja në fjalë është zhdukur në korrik të vitit 2007 dhe dyshohet se është Ashley Summers, e cila është zhdukur kur ishte vetëm 14 vjeç. Brenda në banesë u gjetën litarë dhe zinxhirë, me të cilat dyshohet se i zoti i shtëpisë Ariel Castro mbante nën kontroll të rrëmbyerat të cilat i dhunonte vazhdimisht.

/Shekulli Online/ Përgatiti: E.L/