Misterioze: E gjetën pas 52 vitesh (Video)

nga **♛Melody♛** Mon Jul 22, 2013 5:57 pm

Gruaja e cila u konsiderua e vdekur, pasi ishte zhdukur për më shumë se gjysmë shekulli në perëndim të Kanadasë, u gjet në veri të vendit.
Lucy Johnson (77) herën e fundit është parë në shtator të vitit 1961, në periferi të Vankuverit. Policia për këtë zhdukje ka dyshuar tek burri i saj, i cili rastin e kishte raportuar në polici katër vjet më vonë.
Policia kishte kontrolluar kopshtin e familjes, por nuk kishte gjetur ndonjë gjurmë, kështu që rasti u harrua, ndërsa bashkëshorti Marvin vdiq në fund të viteve 1990.
Policia në qershor të këtij viti shqyrtoi rastet e vjetra të personave të zhdukur, atëherë kur vajza e Lucyt vendosi ta botojë një shpallje në një ditore, në kujtim të nënës së saj.
Shumë shpejt policia federale e Kanadasë ka marrë një telefonatë nga vajza tjetër e Lucyt, e cila shpjegoi se ajo jeton 2.000 kilometra në veri, në territorin Yukon.
Hetuesit momentalisht nuk din se çfarë ka ndodhur me të gjatë këtyre 52 viteve, por një gjë dihet se ajo ka çka për të folur me familjen e saj.