Si të planifikosh pushimet sa më mirë

nga **♛Melody♛** Mon Jul 22, 2013 3:27 am

1.Informohuni sa më tepër. Hap internetin, apo bisedo me ndonjë mik që ka udhëtuar shumë, aq sa mund të të tregojë përvojat e tij. Në këtë mënyrë mund të përcaktosh destinacionet më të rëndësishme, duke e lidhur natyrisht edhe me buxhetin që ke në dispozicion.
2.Në bazë të vendit ku zgjedh të shkosh (det, apo mal), fillo e planifiko edhe valixhet me të gjitha rrobat dhe pajisjet që do të duhen gjatë pushimeve.
3.Përpiqu të përgatitesh sa më mirë për të gjithë situatat që mund të ndodhin dhe bëje udhëtimin sa më të qetë. Gjithashtu bëj gati edhe një kalendar, ose një program për t’u zbatuar, në bazë të nevojave dhe dëshirave të çdo pjesëtari të grupit, apo familjes, në varësi të njerëzve me të cilët do të shkosh.
4.Nëse ke kafshë shtëpiake, si mace apo qen, atëherë duhet të mendosh edhe për to. Nëse s’ke mundësi ku t’i lësh, atëherë do t’i marrësh me vete, por duke pasur parasysh se nuk mund të hyjnë në asnjë vend publik si hotel apo restorant. Gjithashtu do të kenë nevojë për hapësirë dhe dedikim kohe enkas për to. Prandaj shpesh mund të jetë më mirë t’i lini në shtëpi, ose te një njeri i besuar.
5.Në rast se nuk do zgjidhni ndonjë destinacion për të cilin duhet udhëtimi me avion, atëherë do të udhëtoni gjatë me makinë. Prandaj mundohuni që ta bëni sa më të këndshëm dhe të rehatshëm të gjithë rrugën, duke marrë me vete gjithçka që mund ta ëmbëlsojë sadopak lodhjen e rrugës së gjatë.
6.Mirë është që të bëni edhe një vlerësim të kostos totale që mund t’i zërë ky pushim. Ki parasysh të përfshish restorantet, karburantin për rrugën por edhe për vizitat e mundshme në qytetin e zgjedhur. Plus edhe shpenzime të ashtuquajtura të vogla. Nëse udhëtimi si përfundim të duket shumë i kushtueshëm, atëherë kërko oferta në internet, ose në agjencitë e posaçme.