Të flesh gjatë në fundjavë të bën mirë, por...

Nuk ka arsye që të ndiheni fajtor nëse flini disa orë ekstra këtë fundjavë. Një fundjavë e gjatë në shtrat i bën mirë zemrës tuaj.

Një studim tregon se kjo mund të ulë rrezikun e presionit të gjakut – një faktor madhor ky për sulmin apo goditjet në zemër – me mbi 39%.

Por ky përfitim mund të vijë vetëm nëse me orët e zgjatura në fundjavë zëvendësoni pushimin e pamjaftueshëm gjatë javës.

Shkencëtarët nga spitalet dhe universitetet e Koresë së Jugut kanë marrë në vrojtim 2 782 të rritur dhe kanë regjistruar prirjet e tyre gjatë javës.

Ata që flenë më pak se gjashtë orë në natë gjatë fundjavës ishin 70% më të rrezikuar nga presioni i lartë i gjakut krahasuar me ata që flinin shtatë deri në nëntë orë.

Por nëse qëndronin në shtarat qoftë edhe një orë më tepër gjatë fundjavës, rreziku ulej me 40% krahasuar me atë që flenë po aq sa gjatë javës.

“Përfundimet tona sugjerojnë se gjumi i gjatë në fundjavë për të kompensuar orët e javës mund të ulë rrezikun e presionit të lartë të gjakut, veçanërisht për ata që ndiejnë se kanë mungesë gjumi”, shprehen kërkuesit nga Qendra e Kërkimit të Gjumit.

Por profesori Jim Horne nënvizon se, të qëndruarit në shtrat nuk është rruga më e mirë për të zgjidhur problemet me presionin e lartë të gjakut. Është më mirë që të zgjoheni herët dhe të shkoni për ecje të gjatë.

/Shekulli Online/ Përgatiti: F.S./