Një milion firma, për një shtet shqiptar

nga **♛Melody♛** Sun Jul 21, 2013 6:57 pm

Shqiptarët do të nënshkruajnë një peticion masiv, me të cilin do t’i bëjnë presion bashkësisë ndërkombëtare për të realizuar qëllimin e tyre, bashkimin në një shtet të vetëm.
Deri në muajin nëntor duhet të mblidhen një milion nënshkrime nga shqiptarët e diasporës, të cilët jetojnë jashtë “Shqipërisë Natyrale”. Kështu tha kryetari i Listës për Shqipëri Natyrale, Koço Danaj, në një konferencë në Mynih, raporton Die Presse.
E përditshmja austriake shkruan se “BE-ja fuqimisht kundërshton këtë projekt”.
Pas grumbullimit të nënshkrimeve, ato do t’iu dërgohen, pos tjerash, edhe qeverive të Gjermanisë, Britanisë së Madhe dhe Austrisë.
Projekti është nisur me grumbullimin e mbrëmshëm në sheshin Karlsplatz të Mynihut.
/Shekulli Online/ E.L/