Revoltohet Vlora Çitaku: Nuk na duhet liberalizimi në një shtet taliban

| Shkruar nga: TemA


Ministrja e Integrimit, Vlora Çitaku, i është kundërpërgjigjur deklaratave të hoxhës Shefqet Krasniqi, që i sugjeroi asaj që të merrej me punët e saj e jo më hoxhallarët.

Çitaku pati kundërshtuar deklaratat e hoxhë Irfan Salihut që pati vënë në dyshim moralin e femrave shqiptare.

“Pikë së pari, agjenda europiane dhe konteksti kulturor e politik nuk janë kontekste të shkëputura, por ndërveprojnë njëra me tjetrën. As njëra e as tjetra nuk mund të përmbushen/ndërtohen/shkatërrohen vetëm nga një individ! E dyta, ata që më thonë merru me viza e këqyri punët tua u them: Po, me viza po merrem dhe do të merrem. Po asgjë nuk na duhen vizat në një shtet talibanesk! Dhe mos më thoni tani Jo luftojeni krimin e korrupsionin se ato Janë rreziku i vërtetë, sepse pajtohem plotësisht! Po prania e korrupsionit nuk e amneston fundamentalizmin! Unë kam me i luftu të dyja!”, shkruan Çitaku në rrjetin social, Facebook./ep