Armatoset Sërbia

Zëvendës Kryeministri i parë dhe Ministri i Mbrojtjes i Serbisë, Aleksandar Vuçiq, njoftoi blerjen e armëve dhe mjeteve moderne, kryesisht në lëminë e aviacionit si dhe sistemet moderne anti-ajrore. Vuçiq gjatë një vizite të kazermës së trupave në detyrë kundër ajrore së ushtrisë serbe “Major Gavriloviç Dragutin” në Zucam, tha se modernizimi i forcave të armatosura Serbe dhe zgjidhja e problemeve politike janë prioritet i Serbisë në të ardhmen. – Pas 20 vitesh do të kemi avion të ri dhe modern. Për Serbinë është shumë me rëndësi në të ardhmen e afërt të bëhet një strehim i sigurt. Ndërsa sa u përket trupave tokësore në rajon është e vështirë të gjendet ndonjë ushtri që mund të matet me atë serbe, tha Vuçiq./Shqipmedia