Si Do Ndryshojë Moti Në Shqipëri Dhe Evropë Deri Në Gusht

nga **♛Melody♛** Wed Jul 17, 2013 11:40 pm

Si do ndryshojë moti në Shqipëri dhe Evropë deri në gusht.

Sipas parashikimeve i gjithë vendi do të pushtohet nga moti i paqëndrueshëm, me reshje te vazhdueshme shiu dhe ulje temperaturash.

Të gjithë ata që kanë planifikuar pushime në 15 ditëshin e fundit të korrikut apo edhe në javët e para të muajit gusht, ndoshta do të duhet te bëjnë gati një plan alternativ pasi sipas parashikimeve i gjithë vendi do të pushtohet nga moti i paqëndrueshëm, me reshje te vazhdueshme shiu dhe ulje temperaturash. Ekspertët pohojnë se pavarësisht motit kapricoz që kemi përjetuar deri me tani dhe verës paksa të vonuar, kjo kohë është tipike për klimën që ka Shqipëria. Megjithatë, stina e verës do të rikthehet me tiparet e saj tipike, me temperature të larta deri në 40 grade e me diell përvëlues vetëm në 15 ditëshin e fundit të gushtit.
Mot me shi dhe rënie e temperaturave është parashikuar edhe për Evropën. Nga Gjermania, në Republikën Çeke e nga Zvicra ne Austri, moti do të rezervoje surpriza të pakëndshme për 15 ditëshin e dyte dhe javët e para të muajit gusht. Situata më kritike parashikohet në Pragë e Gjermani, por reshjet e shiut nuk do të kursejnë as vendet tona fqinje, Greqinë dhe Italinë. Temperaturat më të ulëta do të shënohen në orët e mëngjesit ndërsa reshjet e shiut do të pushtojnë të gjithë Evropën në pikun e vapës, gjatë orëve të drekës, duke i prishur planet të gjithë atyre që kanë menduar të pushojnë në këtë periudhë.
17.07.2013

Burimi: Ikub