Austri, gardiania austriake bie në dashuri me një të burgosur shqiptar, presin një fëmijë

Midis një të burgosuri shqiptar dhe një gardiane austriake ka lindur një dashuri që ka përfunduar në shtatzëni. Kjo ngjarje është vënë në qendër të mediave austriake, ndërsa gardiania është pezulluar nga puna.
Ngjarja ka ndodhur në burgun Stein, burgu më i madh në Austri, aty ku kishte lindur një pëlqim dhe më pas një dashuri e fshehur midis të burgosurit shqiptar Sufian H, 30 vjeçar dhe gardianes së burgut, Sandra.O, gjithashtu 30 vjeçare, informon agjencia e lajmeve INA.
Mediat austriake shkruajnë se i burgosuri shqiptar që po vuan dënimin prej 8 viteve për vjedhje të ndryshme ka lënë shtatzënë gardianen e burgut dhe se tashmë ai po pret fëmijën nga ajo. Edhe austriakia kishte rënë në dashuri me të burgosurin shqiptar dhe ka shprehur deshiren se edhe ajo dëshirontë një fëmijë me të.
Mësohet se lajmi për lidhjet e fshehtë dhe shtatzëninë ka shpërthyer përmes një të burgosuri që ka informuar autoritetet e burgut. Por, menjëherë pas kësaj gardiania Sandra ka pranuar para Drejtorisë së burgut se ka rënë në dashuri me shqiptarin dhe se sapo ai të përfundojë burgun, ajo do të martohet me të. Autoritetet austriake të drejtësisë menjëherë kanë pezulluar atë nga puna, por avokati i Sandrës ka theksuar se “dashuria nuk njeh kufi, qoftë edhe në burg”.