SHBA, gjyshja mbyt mbesën e saj 8-vjeçare

Një 8-vjeçare në SHBA ka humbur jetën, pasi është mbytur nga gjyshja e saj. Shtetasja Helen M.Ford, 51-vjeçe është akuzuar nga policia për mbytjen e mbesës së saj.
Gjyshja për të mbrojtur veten ka deklaruar në polici se mbesa e saj, Gizzell, ka kryer vetëvrasje, por kjo deklaratë nuk është besuar nga autoritetet, pasi në në trupin e vajzës janë gjetur shenja në fyt si dhe djegie me cigare në disa pjesë të trupit.
Sipas policisë, trupi i pajetë i vajzës qëndronte prej disa ditësh në banesë, ndërsa babai i vajzës qëndronte në shtrat si pasojë e një sëmundje të rëndë, e cila nuk e lejonte të lëvizte.
Ndërsa xhaxhai i 8-vjeçares ka deklaruar më pas se nëna e tij e mbante gjithmonë larg nga Gizzell duke gjetur justifikime të ndryshme.