Në Japoni bosat e krimit kanë gazetën e tyre

nga **♛Melody♛** Sun Jul 14, 2013 6:45 am

Në Japoni bosat e krimit kanë edhe gazetën e tyre, ku shpërndajnë këshillat e duhura për personat e tjerë që do t’i futen kësaj rruge.
Gazeta mban emrin “Yamaguchi-gumi Shinpo” (buletin), numri i fundit i të cilës është shpërndarë në mënyrë të fshehtë më 5 korrik nga anëtarët e grupit.
Bëhej fjalë për 8 faqe në total, që hapeshin me editorialin e kumbarit Kenichi Shinoda. 71-vjeçari, “kumicho” (bos) i fraksionit, u jep sugjerime të rinjve për vlerat dhe disiplinën që duhet të ndjekin me skrupuj për të pasur “sukses”.
Po kështu, bosi i vjetër “u qanë hallin” të tjerëve se bota e krimit nuk është se ka shumë fitime pasi kriza financiare botërore ka goditur edhe këtë shtresë./alb-obsrver.com/