Japoni, përdori fjalë anglisht, në gjyq televizioni

nga **♛Melody♛** Sat Jun 29, 2013 6:18 am

Japoni, përdori fjalë anglisht, në gjyq televizioni

Një grup teleshikuesish të pakënaqur ngritën një padi ndaj Televizionit Shtetëror Japonez, për shkaktimin e një dëmi psikologjik, me përdorimin e tepruara të fjalëve të huazuara nga anglishtja.

Sipas paditësve, përveçse në këtë mënyrë i shkaktohet një dëm madhor gjuhës dhe identitetit kulturor japonez, gjithashtu stresohen dëgjuesit, të cilët shpesh herë nuk e njohin kuptimin e fjalëve të përdorura.

”Shqetësimi që ne ngremë me këtë padi qëndron në amerikanizimin e tepërt të gjuhës dhe identitetit tonë kombëtar”, deklaroi avokati Mutsuo Miyata, i cili kërkon nga televizioni një dëmshpërblim prej 15 mijë dollarësh për klientët e tij.

Qëllimisht, dëmshpërblimi i kërkuar është simbolik, pasi qëllimi i vërtetë i teleshikuesve të grupuar pas kësaj padie nuk është nxjerrja e përfitimeve materiale, por përmirësimi i kësaj situate aktuale.

/ Top Channel