Ambasadorja e Francës: Shqipëria, hapa konkrete drejt integrimit në BE

nga **♛Melody♛** Sun Jul 14, 2013 6:37 am

Ambasadorja franceze në Shqipëri, znj. Christine Moro, gjatë ceremonisë së organizuar ditën e enjte me rastin e Ditës Kombëtare të Francës (simbol i Revolucionit francez), u shpreh se Shqipëria po ecën me hapa përparues drejt integrimit të familjes evropiane.
Znj. Moro është shprehur mjaft optimiste pas përfundimit të zgjedhjeve të 23 Qershorit, duke theksuar se standardet e arritura gjatë këtyre zgjedhjeve kanë qenë në favor të gjithë popullit shqiptar. Ajo shprehu bindjen se nëse forcat politike do të punojnë së bashku, do ta çojnë vendin drejt integrimit evropian. Gjithashtu, ajo përshëndeti edhe hapjen e dhomës së tregtisë Shqipëri – Francë.
Në këtë ceremoni ishin të pranishëm presidenti i Republikës, Bujar Nishani, kreu i PS, Edi Rama si dhe znj. Jozefina Topalli. Gjithashtu ra në sy mungesa e kryeministrit në largim, Sali Berisha. /alb-observer.com/