Sa ujë duhet të pini për të rënë në peshë?

nga **♛Melody♛** Sun Jul 14, 2013 6:17 am

Sigurisht që keni dëgjuar se uji ju ndihmon për të humbur në peshë. Por sa ujë duhet të pimë për të ndihmuar dietën që mbajmë? Përgjigjen na i japin studimet e bëra në Shkollën Mjekësore të Berlinit dhe në Spitalin Universitar Charite.
U kryen gjithsej 11studime, prej të cilave 3 arritën në konkluzionin se uji ndihmon në humbjen e peshës. Sipas një prej studimeve, të gjithë ata që pinin dy gota ujë para buke humbnin katër kile më shumë se ata që nuk pinin. Ndërsa sipas një tjetër studimi, ata që pinin të paktën 1 litër ujë në ditë humbnin më shumë peshë në krahasim me ata që pinin më pak.
Gjithsesi këto kërkime shkencore nuk ishin të mjaftueshme për të dhënë një përgjigje të saktë nëse konsumimi i ujit ndihmon për të rënë në peshë. Megjithatë, e sigurt është që uji është i domosdoshëm në organizmin tonë pasi ndihmon në pastrimin nga lëndët toksike, në shpërndarjen e lëndëve ushqyese në qeliza, ndihmon në funksionimin e organizmit dhe ju bën të dukeni të freskët dhe të keni lëkurë që shkëlqen. /alb-observer.com/