Kinë, nëna masakron 90 herë me gërshërë të birin, e kafshoi teksa i jepte gji

Një shtetase kineze ka masakruar me gërshërë djalin e saj vetëm tetë- muajsh, pasi ai e kafshoi teksa ajo i jeptë gji. Djali është me fat që është ende gjallë, pas 90 goditjeve me gërshërë nga nëna e tij, ku ka marrë plagë të shumta në fytyrë.
Xiao Bao u gjet në një pellg gjaku nga xhaxhai i tij, në Xuzhoi, krahna e Jiangsusë, në Kinën Lindore. Fëmija është dërguar në spital nga xhaxhai i tij dhe i është nënshtruar një ndërhyrje urgjente me mbi 100 qepje në të gjithë trupin.
 
Mediat kineze raportojnë se fillimisht është menduar se fëmija mund të ishte masakruar nga ndonjë hajdut, që ka hyrë në banesë për të vjedhur dhe është alarmuar nga të qarat e fëmijës. Por nga hetimet e bëra rezultoi se në gërshërët që ishin përdorur si armë krimi, u gjetën gjurmët e gishtrinjëve të nënës së fëmijës.
 
Ndërkohë, nëna në komisariat ka rrëfyer se e kishte masakruar të birin si ndëshkim, pasi ndërsa ishte duke e ushqyer me gji, ai e kishte kafshuar me dhëmbët e porsadalë. Ky shpjegim absurd ka bërë që të mblidhet një komision ekspertësh të psikiatrisë.
Ndërkaq të afërmit shpresojnë që të vërtetohet se gruaja është e sëmurë mendësisht, pasi ndryshe askush nuk mund të kuptojë sjelljen mizore të saj ndaj të birit.