“Gjinekologu i vdekjes”, vriste me gërshërë foshnjat e porsalinduara

Një gjinekolog amerikan i quajtur nga mediat si “gjinekologu i vdekjes” është dënuar me tre burgime të përjetshme pasi u vërtetua se ka vrarë tre foshnja të padëshiruara nga prindërit menjëherë pas lindjes.
72-vjeçari Kermit Gosnell, për secilën vrasje mori nga një burgim të përjetshëm dhe vetëm pranimi i fajita i dha mundësinë e një marrëveshje që i kurseu dënimin me vdekje. Gjatë gjykimit, u provua se si ai kishte asistuar në lindjen e gjallë të foshnjeve, të cilat i vriste duke përdodur një palë gërshërë, për të prerë shtyllën e tyre kurrizore.

Gosnell ka realizuar me mijëra aborte gjatë karrierës së tij 30-vjeçare, shumë prej të cilëve në shkelje ligjore, përtej kufirit prej 24 javësh pas ngjizjes, në të cilën lejohet aborti në Pensilvani. Gjithashtu ai u dënua edhe me pesë vjet shtesë, për vrasjen nëpërmjet mbidozës së një pacienteje ndërsa ka dyshime se ai mund të ketë kryer edhe vrasje të tjera./alb-observer.com/