Lezhë, shkon për të lindur, 22-vjeçarja vdes së bashku me foshnjen

Një 22-vjeçare ka humbur jetën në spital në muajin e nëntë të shtatzënisë. Rrethanat e vdekjes së vajzës së re, Lorena Imeri, janë ende të panjohura, ndërsa mjekët kanë thënë se vajza ishte në gjendje të rëndë shëndetësore.
Nga hetimet e para mësohet se 22-vjeçarja nga fshati Shullaz i Kurbinit, ishte në muajin e nëntë të shtatzënisë dhe kishte shkuar për të lindur në spital, por ka humbur jetën përpara se të sillte në jetë foshnjën e saj.
Ndërkohë, familjarët kanë treguar se e kanë çuar me urgjencë vajzën fillimisht në Maternitetin e Laçit, por aty nuk kishte mjekë të specializuar dhe për këtë arsye janë detyruar ta dërgojnë në Maternitetin e Lezhës. Vajza ka mbërritur në spitalin e Lezhës rreth mesnatës dhe një orë më pas ka humbur jetën.
Për vdekjen e 22-vjeçares dhe foshnjes së saj, familjarët akuzojnë mjekët për neglizhencë, ndërkohë, pritet ekspertiza mjekoligjore që do të përcaktojë edhe shkaqet e vdekjes.