Dhunon ish-bashkëshorten mbi varr: “Shkon me të tjerët dhe nuk shkon me mua”

Një 45 vjecare, nënë e tre fëmijëve, apelon për ndihmë pasi po dhunohet sitematikisht nga ish-bashkëshorti i saj me të cilin kishte qenë e martuar për 19 vite. Suzana Elezi, e cila prej 17 vitesh punon në një dyqan me aksesorë varresh në hyrje të Sharrës, ka rrëfyer për mediat se dhuna filloi pas divorcit, tre vite më parë. Ajo shpjegon se divorcin e ka kërkuar për shkak se i shoqi luante bixhoz dhe i kishte humbur të gjitha pasuritë duke u bërë edhe i dhunshëm.
Por pas divorcit në vitin 2009, filloi xhelozia pasi ai dyshonte se ajo e tradhtonte me klientët. Disa herë ajo ka kërkuar urdhër mbrojtje në gjykatë, por i shoqi e kishte shkelur radhazi duke e dhunuar sërish
“Herën e fundit që theu urdhrin e mbrojtjes që më kishte caktuar Gjykata e Tiranës, më ka dhunuar mbi varre. Më kapi për flokësh, më kafshoi te qafa, te buza. “Ta tregoj unë motelin ty. Ti për të tjerët je, për mua nuk je… Ishte thjesht fiksim i tij”, u shpreh dje Suzana Elezi duke pasur frikë për jetën e saj dhe të fëmijëve./alb-observer.com/