Vëllai i Saddam Hussein vdes në spital nga kanceri

Vëllai nga nëna e ish-diktatorit iraken, Saddam Hussein ka vdekur në spital për shkak të kancerit.
Sabaoui Ibrahim al-Hassan, ish-shef i shërbimeve sekrete vdiq sot nga sëmundja e kancerit në një spital të Bagdadit, citon një deklaratë e Ministrisë irakene të Drejtësisë.
“Sabaoui Ibrahim al-Hassan ishte dënuar me vdekje, nën akuzën e vrasjeve dhe krimeve kundër popullit iraken, pas kapjes së tij në vitin 2005″, deklaroi zëdhënësi i Ministrisë irakene të Drejtësisë, Wissam al-Fraiji.
Zëdhënësi i Ministrisë Irakene të Drejtësisë shtoi më tej se vëllai i Saddam Hussein ishte transferuar në spital, pasi gjendja e tij ishte përkeqësuar.
Ndërkohë, anëtarë të tjerë të ish-regjimit të Hussein, vuajnë dënimin në burgjet irakiane.