“Big Brother” në PS

nga **♛Melody♛** Thu Jul 04, 2013 6:39 am

Edi Rama pas fitores së madhe të zgjedhjeve e ka përdorur rrjetin “Facebook” për të publikuar foto me njerëz të rëndësishëm për jetën e tij. Këtë radhë kryeministri i ardhshëm i Shqipërisë ka publikuar një fotografi me prezantuesen e njohur, Arbana Osmani.

Fotografia është realizuar në selinë e Partisë Socialiste, në zyrën e kreut të saj, ndërsa prezantuesja e ka përqafuar ngrohtë Ramën.

“Me Arbana Osmanin, miken time që qysh e vogël dukej se do bëhej e madhe”, ka shkruar kreu socialist krahas fotografisë.

Arbana është një nga prezantueset më të njohura në vend ndërsa njihet si drejtuesja e spektaklit “Big Brother Albania” në të gjithë edicionet e tij.