7 arsyet pse noti bën shumë mirë për shëndetin

nga **♛Melody♛** Wed Jul 03, 2013 3:27 am

Kur vjen puna për të folur mbi sportet që janë të mira për shëndetin, nuk ka dyshim se noti është njëri prej tyre. Dhe madje, më i miri, pasi ndoshta është më i ploti për nga efektet e tij, i përshtatshëm për të gjitha moshat dhe pothuajse për të gjitha situatat, citon noa.
Por që të jeni të sigurt se cilat janë arsyet e vërteta pse noti është i shëndetshëm për trupin, duhet t’i lexoni ato të renditura.
1) Noti është një ushtrim i madh aerobik, i realizueshëm për individët e çdo moshe e madje edhe për njerëz me probleme shëndetësore, apo me mbipeshë.
2) Noti zvogëlon rrezikun e vdekjes me 50%. Sipas një studimi të kryer disa vite më parë, notarët jetojnë më gjatë.
3) Për shkak të butësisë së ujit, noti rrit fleksibilitetin e trupit.
4) Noti rrit kapacitetin e mushkërive dhe sipas një studimi të kryer, ai i zvogëlon simptomat e astmës.
5) Noti, si të gjitha ushtrimet aerobike, zvogëlon rrezikun e zhvillimit të diabetit dhe përmirëson kontrollin e glicemisë tek diabetikët.
6) Sipas Qendrës për Kontrollin dhe Parandalimin e Sëmundjeve në Atlanta, Shtetet e Bashkuara të Amerikës, noti ndihmon në shëndetin mendor, heq simptomat e ankthit dhe depresionit.
7) Noti djeg kalori dhe për këtë arsye, ju bën që të humbni peshë.