Lulet që ndikojnë pozitivisht në vendin e punës

nga **♛Melody♛** Wed Jul 03, 2013 2:31 am

Begonia, vjollca, cyklama, luledragua, spatifilum, hibiskus, kaktus, janë të duhurat për të zbukuruar hapësirën tuaj në zyra, ndërsa kujdesi ndaj tyre nuk kërkon shumë angazhim. Një studim i bërë nga “Ëashington State University”, thotë se bimët në zyrë janë shumë të dobishme, sidomos për punonjësit, të cilët nuk kanë një pamje nga dritarja.

Nga studimi vjen edhe një fakt tjetër, punëtorët që kanë bimë në zyra janë më produktivë dhe të shpejtë për të reaguar. Ata nuk kanë stres, gjithashtu kanë presion të ulët të gjakut. Për t’u ndjerë mirë dhe të qetë në punë apo në shtëpi duhet të jeni të rrethuar me sa më shumë lule.

Ndërsa, shkencëtarët e një universiteti norvegjez në Suedi kanë bërë një studim të fundit, ku kanë zbuluar se bimët e vendosura mbi tavolinën e punës ose në dhomë janë të mira për shëndetin. Sipas shkencëtarëve, bimët në vazo mund të zvogëlojnë lodhjen, stresin, dhembjen e kokës, kollën dhe lëkurën e thatë.

Për nxjerrjen e këtij rezultati janë marrë në analizë rreth 385 punëtorë. Është studiuar dhe është vëzhguar numri i punëtorëve, që mungonin në punë për shkak të sëmundjes. Studiuesit u interesuan për të ditur nëse ata kishin bimë në zyrat e tyre.

Rezultatet treguan se shumica e punëtorëve që kishin bimë në zyra, nuk mungonin në punë për shkak të sëmundjeve. Dheu i këtyre bimëve ka një organizëm që ka ndikim tek shëndeti, sipas studiuesve. Kjo dëshmon se bimët mund të zvogëlojë nivelin e stresit. - See more at: http://www.shqiptarja.com/shendetesi/2712/lulet-qe-ndikojne-pozitivisht-ne-vendin-e-punes-165096.html#sthash.5RuVQi8L.dpuf