Gazetari raporton mbi shpinën e një të mbijetuari, merr kritika të shumta

Një gazetar Indian ka marrë shumë kritika, pasi ka raportuar mbi supet e një të mbijetuari nga përmbytjet në Indi. Reporteri i “News Express” për të raportuar drejtpërdrejt me televizionin e tij për përmbytjet në rajonin verior Uttarakhand ku humbën jetën rreth 1 mijë persona, ka hipur mbi supet e një personi.
Gazetari qëndroi mbi supet e një të mbijetuari derisa mbaroi raportimin, ndërsa vidioja ka përfunduar në “YouTube”, ku shumë indianë e kanë kritikuar paraqitjen e tij duke përdorur mbijetuesin për të mos u lagur.
Por gazetari i ka mohuar të gjitha reagimet ndaj tij duke thënë se njeriu mbi të cilin kishte hipur ka insistuar vetë që të “tregojë respekt” per informimin .