Jeta luksoze, Nishani: Në hetim prokurorë e gjyqtarë

nga **♛Melody♛** Thu Jun 20, 2013 6:26 am

Tiranë - Në rradhët e Drejtësisë ka gjyqtarë dhe prokurorë që jetojnë në luks të tepruar. Pohimi vjen nga kreu i shtetit Bujar Nishani, i cili i kërkoi në mënyrë ultimative Prokurorit të Përgjithshëm Adriatik Llalla të identifikojë, hetojë dhe vërë para përgjegjësisë penale këta individë."Midis komunitetit të gjyqtarëve dhe prokurorëve tanë është një numër jo i vogël prokurorësh dhe gjyqtarësh që jetojnë në kushtet e një luksi të tepruar të paargumentuar me mundësitë e të ardhurave që kanë. A do të mbetemi ne tek portretizimi i tërë sistemit tonë të drejtësisë, duke iu referuar vetëm shembullit të minorancës. Është përgjegjshmëria më e parë e Prokurorit të Përgjithshëm për të vijuar tashmë punën e nisur për hetimin e çdo rasti të abuzimit të çdo gjyqtari qoftë, apo prokurori", tha Presidenti Bujar Nishani.