Makina përplaset me lokalin , vdes 20-vjeçari, plagosen 3 të tjerë

Një 20-vjeçar ka vdekur dhe tre të tjerë janë plagosur në një aksident rrugor. Ngjarja ka ndodhur rreth orës 10:30 minuta tek ura e Shkafanës në Manëz, segmenti rrugor Maminas – Gjiri i Lalëzit.
Automjeti Volzvagen me targa Tr 5959 L ka dalë nga aksi rrugor dhe është përplasur me lokalin në krah të rrugës, ku si pasojë ka humbur jetën Orjan Avdia rreth 20 vjeç. Ndërsa të plagosurit janë të rinjtë: Enea Kllogjeri ,18 vjeç, Rejan Dervishaj 19 vjeç dhe Kristjan Karapanxha 20 vjeç, të cilët janë dërguar në gjendje të rëndë në spitalin e Durrësit.
Policia e mbërritur në vendngjarje ka nisur hetimet për të zbardhur rrethanat në të cilat ka ndodhur aksidenti i rëndë.