Durrës, futet në det për t’u larë, mbytet 25-vjeçari

Një 25-vjeçar është mbytur tek porti i ri i peshkimit, pasi është futur në det për t’u larë. Ngjarja ka ndodhur mesditën e sotme, ndërsa viktima është Millan Sinjari, 25 vjeç, punonjës i portit të ri të peshkimit.Policia bëri të ditur se u njoftua nga punonjës të tjerë të portit që i konfirmuan se një koleg i tyre u zhduk në det dhe nuk doli më prej andej.
Pas kërkimeve, polumbarët nxorrën trupin e pajetë të të riut, ndërsa policia ka nisur punën për zbardhjen e plotë të rrethanave në të cilat ka ndodhur ngjarja.