Hollywoodi eliminon skenat e seksit, nuk shesin më

Hollywoodi ka vendosur të heqë dorë për skenat e seksit në filmat që prodhohen në studio e tij, pasi producentët mendojnë se seksi nuk shitet më. Sipas një raporti të “Sunday Times”, në vënd të kësaj producentët janë fokusuar tek skenate e aksionit dhe efektet special pasi ato argëtojnë më shumë.
Sipas analistëve, filmi i fundit në të cilin është përdorur një skenë seksi e ekzagjeruar ka qënë “Titanic”, i realizuar në vitin 1997, me protagonist Leonardo DiCaprio dhe Kate Winslet.
Studiot e prodhimit tashmë po u kërkojnë shkrimtarëve dhe skenaristëve që të shkruajnë histori që tingëllojnë më shumë familjare pasi sjellin më shumë të ardhura.
Ekspertët e industrisë së filmave mendojnë se skena të paharrueshme të tilla se ajo e Sharon Stone ekspozon veten në “Basic Instinct” nuk do të aplikohen më në filmat e Hollivud. Në këtë mënyrë sipas tyre nuk humbet audience e moshave të reja të cilët në kushtet e një filmi me skena të tilla do ta kishin të vështirë të shihnin një film nga fillimi deri në fund pranë familjes së tyre.
Sipas producentëve, fituesja e cmimit Oskar si aktorja më e mirë protagonist për vitin 2013, Jennifer Lawrence në rolin e saj në filmin më të fundit “Silver Linings Playbook”, është mishërimi më i mirë i epokës modern të Hollivudit./clubfm.net