Thaçi: Nuk do ketë Shqipëri të Madhe, Berishën e kanë keqkuptuar

nga **♛Melody♛** Wed Jun 19, 2013 5:30 am

Kryeministri kosovar, Hashim Thaçi, ka deklaruar në një intervistë për gazetën austriake “Die Presse” se nuk do të ketë shkëmbim territoresh mes Serbisë dhe Kosovës.
Ai po ashtu ka deklaruar se nuk do të ketë Shqipëri të Madhe.
Thaçi ka vlerësuar marrëveshjen e arritur me Serbinë për normalizimin e marrëdhënieve mes dy vendeve. Ai tha se kjo marrëveshje vjen pas një konflikti që ka zgjatur 100 vjet.
Thaçi tha se marrëveshja është nisja e një procesi të gjatë.
I pyetur për tendencat për një “Shqipëri të madhe”, Thaçi tha se kryeministri i Shqipërisë, Sali Berisha është keqkuptuar, sepse bëhet fjalë për krijimin e kushteve në rajon ku njerëzit të mund të jetojnë pa kufizime, por ku do të respektohen kufijtë shtetërorë.
“Vetëm si shtete ne mund të bëhemi pjesë e Bashkimit Europian”, theksoi Thaçi./ep