Moody`S Vlerëson Shqipërinë: Ekonomia E Qëndrueshme Në Të Ardhmen

nga **♛Melody♛** Tue Jun 18, 2013 11:32 pm

Ekonomia Shqiptare është vlerësuar me notë pozitive përsa i përket ecurisë ekonomike për këtë vit.
Një prej agjesive më të njohura të vlerësimit të riskut Moody’s ka vlerësuar Shqipërinë me gradën ” B1″ si dhe me një pritshmëri “Stable” për të ardhmen e ekonomisë dhe financave publike të Shqipërisë.
Raporti i Moody`s përcakton se qëndrueshmëria makroekonomike e vendit ka qenë pozitive në këtë periudhë të vitit. Ndërkohë që gjysma e dytë e dytë e vitit vlerësohet më potencialja për rritje ekonomike duke dhënë kështu një optimizëm realisht të bazuar. Kjo është një dëshmi e kredibilitetit të ekonomisë shqiptare në një kohë kur Evropa dhe rajoni vazhdojnë të përjetojnë goditjet e krizës financiare me problematika e pasoja shumë komplekse.
Moody’s evidenton dhe vlerëson faktin se Shqipëria i rezistoi fuqishëm presioneve të krizës financiare në Evropë dhe më gjerë, duke menaxhuar këtë rritje ekonomike me reforma të rëndësishme për të ardhmen e vendit. Po kështu agjensia vlerëson progresin drejt proceseve integruese të vendit e sidomos ligjet e miratuara së fundmi.
Sipas Moody` s pavarësisht anëve pozitive Shqipëria e ka të nevojshme që të vijojë progresin e reformave dhe përmirësimet në disa sektorë si dhe forcimin e mëtejshëm të institucioneve.
Një vlerësim i tille përçon sinjale pozitive dhe në të njëjtën kohë është dëshmi e kredibilitetit të vendit për stabilitetin makro-ekonomik, politikat dhe reformat ekonomike në mbështetje të biznesit, përmirësimit te mjedisit fiskal dhe vazhdimësisë së reformave ne vend.
Biznesi dhe investitorët e huaj gjejnë një lexim të qartë në këtë vlerësim për të orientuar vendimmarrjet e tyre, si dhe vazhdimësinë e politikave probiznes .