Hëna, Venusi e Mërkuri, sonte bëjnë trekëndësh në qiell!

nga **♛Melody♛** Mon Jun 17, 2013 7:40 am

Astronomët dhe të pasionuarit me astronominë do të kenë mundësi të shohin një konfigurim hapësinor të veçantë.
Pas Venusit, Jupiterit dhe Mërkurit që u vendosën në një vijë të drejtë gjatë perëndimit të disa javëve më parë, gjatë këtyre ditëve të apasionuarit e astronomisë mund të admirojnë bashkë Venusin e Mërkurin, që këtë herë do të jenë në shoqërinë e Hënës. Saktësisht sonte, astronomët do të kenë mundësi të shohin një konfigurim hapësinor të veçantë mes Hënës dhe dy planetëve të shndritshëm.
Duke hedhur një vështrim në vijën e horizontit, në drejtimin perëndim-veri-perëndim, për herë të parë në qiellin e muajit qershor do të vërehet gjysma e hollë e Hënës e shndritshme vetëm me 5%. Duke u spostuar rreth 9 gradë në të djathtë, do të jetë e mundshme të vërehen dy planetët.
Së pari Afërdita, më e shndritshmja, që mund të admirohet në të gjithë bukurinë e vet. “Takimi” midis tre trupave verifikohet sipas kostelacionit të Binjakëve. Më në lartësi, kundrejt Hënës dhe Afërditës, do të jetë Mërkuri, që mbyll këtë trekëndësh. Distanca këndore mes dy planetëve, shumë shpejt do të reduktohet, deri në bashkimin e ri, që do të ndodhë më 20 qershor./Lajm24.info/