Anaidi i “BB6”: “Joana mua më do si burrë, kurse Janin si dashnor”

Pas daljes nga shtëpija më e madhe në Shqipëri, fituesi i spektaklit “Big Brother 6” Anaidi ka pohuar ndarjen me Joanën dhe ka dhënë arsyjet e tij. Mësohet se fituesi i edicionit të gjashtë të reality shoë-t është shprehur se me Joanën ka patur një raport të mirë, por asnjëherë ai nuk ka deklaruar se e dashuron.

“Mora vesh deklaratat e forta që Joana kishte bërë. Ishin të papranueshme për mua. Për shembull deklarata e Joanës ‘kur të martohem unë me Anaidin, ai që do na shoqërojë në altar do jetë Jani’. Domethënë sipas Joanës ‘mora burrin, po kam dhe dashnorin me vete që më shoqëron’. Këto e të tjera janë arsyeja që unë u largova nga kjo marrëdhënie. Nuk ka qenë ndjenjë. Ka qenë më shumë pasion. Edhe pasioni është një formë e të ndjerit, por jo nga ato të tipit romantik e me zemër. Ishte një rrugë e përbashkët që të dy e dinim mirë se deri ku shkonte. Nuk e kam përdorur, e as më ka përdorur. Marrëdhënia jonë ishte pasion dhe në hapat e parë të krijimit të diçkaje. “,- është shprehur ai./alb-observer.com/